नागपञ्चमी र गुरही पर्वले सामाजिक सद्भाव बलियो बनाउने मुख्यमन्त्री आचार्यको भनाइ

लुम्बिनी प्रदेशका मुख्यमन्त्री चेतनारायण आचार्यले नागपञ्चमी, गुरही र गुडिया पर्वले सामाजिक सद्भाव, आपसी सम्मान र एकतालाई बलियो बनाउने बताउनुभएको छ। थारू समुदायले मनाउने गुरही र मधेसी समुदायको गुडिया पर्वको अवसरमा शुभकामना दिँदै उहाँले यी परम्पराहरूले विविधतायुक्त समाजमा एकता कायम गर्ने उल्लेख गर्नुभयो। दाङ र गुल्मी लगायतका क्षेत्रमा मनाइने यी सांस्कृतिक पर्वहरूले मौलिक पहिचानको संरक्षण गर्ने उहाँको भनाइ छ।