मनसुनको बाँकी अवधिमा विपद्को जोखिम उच्च रहेको प्राधिकरणको चेतावनी

राष्ट्रिय विपद् जोखिम न्यूनीकरण तथा व्यवस्थापन प्राधिकरणका कार्यकारी प्रमुख डा. धर्मराज उप्रेतीले मनसुनको बाँकी अवधिमा विपद्को जोखिम उच्च रहेको चेतावनी दिएका छन्। काठमाडौँमा आयोजित मनसुन पूर्वतयारी तथा प्रतिकार्य सम्बन्धी छलफलमा उनले नेपालमा यस वर्षको मनसुन अझै ४४ दिन बाँकी रहेको जानकारी दिए। भारी वर्षाका कारण हुन सक्ने वातावरणीय जोखिमलाई मध्यनजर गर्दै सतर्क रहन उनले आग्रह गरेका छन्।