प्रिन्स महर्जनले जिते जुनियर बिट मास्टर सिजन २ को उपाधि

काठमाडौं बर्नहार्ट सेकेन्डरी स्कूलका प्रिन्स महर्जनले नेपालको पहिलो राष्ट्रिय स्तरको जुनियर मादल प्रतियोगिता 'जुनियर बिट मास्टर सिजन २' को उपाधि जितेका छन्। कलश इभेन्ट्सद्वारा आयोजित यस प्रतियोगिताको मुख्य उद्देश्य नयाँ पुस्तामा मौलिक नेपाली बाजा मादलको संरक्षण र प्रवर्द्धन गर्नु रहेको थियो। प्रतियोगितामा काठमाडौं म्युजिक मण्डलाका प्रसन्न महर्जन र शान्ति निकुञ्ज सेकेन्डरी स्कूलका सलिन क्रमशः प्रथम र द्वितीय रनर-अप घोषित भए। कुल २५ जना फाइनलिस्टहरू सहभागी रहेको यस कार्यक्रममा वाद्य सम्राट न्हुच्छेबहादुर डंगोलको नाममा प्रतिस्पर्धा आयोजना गरिएको थियो।