घाइते फुटबलर आशिष राईको उपचार खर्च बेहोर्न रास्वपा सचेतकको माग

राष्ट्रिय स्वतन्त्र पार्टीका सचेतक प्रकाशचन्द्र परियारले घाइते राष्ट्रिय फुटबल खेलाडी आशिष राईको उपचारको पूर्ण जिम्मा लिन सरकारसँग माग गरेका छन्। सोमबार प्रतिनिधि सभाको बैठकमा बोल्दै सचेतक परियारले देशको प्रतिष्ठा बढाउने खेलाडीहरू आर्थिक अभावका कारण उपचारबाट वञ्चित हुन नहुने बताए। उनले खेलकुदलाई राष्ट्रको सौम्य शक्तिका रूपमा लिइने भए तापनि खेलाडीको स्वास्थ्यमा राज्य जिम्मेवार नभएको भन्दै सरकारको ध्यानाकर्षण गराए।