नेपालीसँग विवाह गरेका विदेशी नागरिकलाई निष्कासन गर्ने सरकारको निर्णय सर्वोच्चद्वारा बदर

नेपाली नागरिकसँग विवाह गरी नेपालमा परिवारसहित बस्दै आएका एक दक्षिण कोरियाली नागरिकलाई देश निकाला गर्ने सरकारको निर्णय सर्वोच्च अदालतले बदर गरिदिएको छ। न्यायाधीशद्वय नहकुल सुवेदी र बालकृष्ण ढकालको संयुक्त इजलासले सोमबार अध्यागमन विभागको उक्त निर्णय खारेज गर्ने आदेश दिएको हो। अदालतले ती विदेशी नागरिकलाई थुनामुक्त गर्न समेत आदेश जारी गरेको छ।