गण्डकी क्षेत्रको पर्यटन सम्भावना उजागर गर्न चन्द्रप्रसाद ढकालको जोड

नेपाल उद्योग वाणिज्य महासङ्घका निवर्तमान अध्यक्ष चन्द्रप्रसाद ढकालले गण्डकी क्षेत्रमा रहेको पर्यटनको प्रचुर सम्भावनालाई उजागर गर्नुपर्नेमा जोड दिएका छन्। बागलुङको बलेवा कालभैरवमा आयोजित ‘हरेलो मेला’को उद्घाटन गर्दै उनले गण्डकी प्रदेशमा प्राकृतिक मात्र नभई धार्मिक र सांस्कृतिक पर्यटनको समेत ठूलो अवसर रहेको बताए। उनले स्थानीय बासिन्दाहरूलाई नै यी सम्भावनाहरूको प्रवर्द्धनमा सक्रिय हुन आग्रह गरेका छन्।