नेपाललाई ईयूको हवाई सुरक्षा सूचीबाट हटाउन सरकार सक्रिय रहेको मन्त्री पौडेलको भनाइ

संस्कृति, पर्यटन तथा नागरिक उड्डयनमन्त्री खडकराज पौडेलले नेपाललाई युरोपेली संघ (ईयू) को हवाई सुरक्षा सूचीबाट हटाउन सरकारले प्राविधिक, संस्थागत र कूटनीतिक तहमा सघन प्रयास गरिरहेको बताउनुभएको छ। मंगलबार प्रतिनिधिसभाको बैठकमा सांसद निश्कल राईले सोधेको प्रश्नको जवाफ दिँदै मन्त्री पौडेलले सन् २०१३ देखि कायम रहेको यो अवरोध हटाउन सरकारले उच्च प्राथमिकता दिएको जानकारी दिनुभयो। उहाँले नेपाल नागरिक उड्डयन प्राधिकरणमा आवश्यक सुधार गर्दै हवाई सुरक्षा सुनिश्चित गर्न सरकार दृढ रहेको उल्लेख गर्नुभयो।