नयाँ शिक्षा ऐनमा शिक्षकको वृत्ति विकास र विद्यालय सुधारलाई प्राथमिकता दिन सुझाव

गण्डकी प्रदेशका शिक्षा क्षेत्रका सरोकारवालाहरूले आगामी शिक्षा ऐनमा शिक्षकको पेसागत विकास र विद्यालय सुधारलाई प्राथमिकता दिन सुझाव दिएका छन्। शिक्षा तथा खेलकुद मन्त्रालयले पोखरामा आयोजना गरेको 'शिक्षा संवाद' अभियान अन्तर्गतको छलफलमा सहभागीहरूले शिक्षकको क्षमता अभिवृद्धि र वृत्ति विकासमा जोड दिएका हुन्। नयाँ ऐन निर्माणका लागि सातै प्रदेशमा सञ्चालन भइरहेको यस अभियानले विद्यालय शिक्षाका विद्यमान समस्या समाधान गर्ने लक्ष्य राखेको छ।