सहसचिव कमल प्रसाद भट्टराई सचिवमा बढुवा, बागमती प्रदेशको प्रमुख सचिवमा पदस्थापन

सिंहदरबारमा बुधबार बसेको मन्त्रिपरिषद् बैठकले सहसचिव कमल प्रसाद भट्टराईलाई सचिव पदमा बढुवा गर्ने निर्णय गरेको छ। प्रधानमन्त्री बालेन्द्र शाहको अध्यक्षतामा बसेको उक्त बैठकले भट्टराईलाई बागमती प्रदेशको प्रमुख सचिवमा पदस्थापन गरेको हो। हाल बागमती प्रदेशको कायममुकायम प्रमुख सचिव रहेका भट्टराईलाई विशिष्ट श्रेणीमा बढुवा गरिएको हो। बैठकले सफ्टवेयर विकास तथा सञ्चालन समिति गठन आदेश स्वीकृत गर्नुका साथै त्रिभुवन अन्तर्राष्ट्रिय विमानस्थलको सुधार परियोजनाबारे पनि निर्णय गरेको छ।