नेपाल रेडक्रस सोसाइटीद्वारा ७ प्रदेश र १५ जिल्ला समितिसँग स्पष्टीकरण माग

नेपाल रेडक्रस सोसाइटीले सातवटै प्रदेश समिति र १५ वटा जिल्ला समितिसँग स्पष्टीकरण माग गरेको छ। संस्थाको विधान र सिद्धान्त विपरीत कार्य गरेको भन्दै केन्द्रीय तदर्थ समितिको ३५६ औँ बैठकको निर्णयानुसार महामन्त्री ऋषिरमण खनालले पत्र पठाउनुभएको हो। सदस्यता वितरण, नवीकरण र केन्द्रको निर्णय कार्यान्वयन नगरेको आरोपमा ती समितिहरूलाई तीन दिनभित्र चित्तबुझ्दो जवाफ पेस गर्न निर्देशन दिइएको छ।