पहिरोको जोखिमका कारण टोखा-छहरे सडकखण्डमा रात्रिकालीन यातायात बन्द

नुवाकोट जिल्ला प्रशासन कार्यालयले टोखा-छहरे सडकखण्डमा हरेक रात १० बजेदेखि बिहान ५ बजेसम्म यातायात सञ्चालनमा रोक लगाएको छ। प्रमुख जिल्ला अधिकारी शम्भुप्रसाद रेग्मीका अनुसार लगातारको वर्षाका कारण पहिरो र लेदो खस्ने क्रम बढेपछि सुरक्षा संवेदनशीलतालाई ध्यानमा राख्दै यो निर्णय गरिएको हो। यो सडकले नुवाकोट हुँदै धादिङ र चीनसँगको रसुवागढी नाकालाई जोड्ने गर्दछ।