विवाहको न्यूनतम उमेर २० वर्ष नै कायम राख्न सरोकारवालाको आग्रह

सरोकारवालाहरूले विवाहको विद्यमान कानुनी उमेर २० वर्ष नै कायम राख्न सरकारसँग आग्रह गरेका छन्। बालबालिका शान्तिक्षेत्र राष्ट्रिय अभियान (सिजप) द्वारा काठमाडौँमा आयोजित एक कार्यक्रममा सहभागीहरूले उमेर हद घटाउँदा बाल अधिकार र स्वास्थ्यमा नकारात्मक असर पर्न सक्ने बताए। बालविवाह रोक्न र युवाहरूको हित सुनिश्चित गर्न वर्तमान कानुनलाई निरन्तरता दिनुपर्नेमा छलफलमा जोड दिइएको थियो।