राज्यको खर्च र वैदेशिक सहायता पारदर्शी हुनुपर्ने सांसद वर्षमान पुनको माग

नेपाली कम्युनिस्ट पार्टीका सांसद एवं पूर्वमन्त्री वर्षमान पुनले राज्यको ढुकुटीबाट हुने खर्च र वैदेशिक सहायता परिचालन पारदर्शी हुनुपर्नेमा जोड दिएका छन्। बिहीबार प्रतिनिधि सभा अन्तर्गतको सार्वजनिक लेखा समितिको बैठकमा बोल्दै उनले राज्यको खर्चबारे जानकारी पाउनु जनताको लोकतान्त्रिक अधिकार भएको बताए। उनले खर्चको पारदर्शिता सुनिश्चित गर्नु सरकारको मुख्य दायित्व भएको समेत उल्लेख गरे।