सुपर एल निनोको जोखिमविरुद्ध पूर्वतयारीमा जुट्न ऊर्जामन्त्री श्रेष्ठको आग्रह

ऊर्जा, जलस्रोत तथा सिँचाइमन्त्री विराज भक्त श्रेष्ठले आगामी 'सुपर एल निनो' बाट हुन सक्ने जोखिम न्यूनीकरणका लागि पूर्वतयारीमा जुट्न आग्रह गर्नुभएको छ। ललितपुरमा आयोजित एक राष्ट्रिय गोष्ठीलाई सम्बोधन गर्दै उहाँले आठ हप्तापछि भित्रिन सक्ने यस प्रभावले जलविद्युत्, सिँचाइ र खाद्य सुरक्षामा गम्भीर खडेरी निम्त्याउन सक्ने चेतावनी दिनुभयो। जल तथा ऊर्जा आयोगको सचिवालय र जल तथा मौसम विज्ञान विभागद्वारा आयोजित उक्त कार्यक्रममा जलवायु उत्थानशीलता र विपद् व्यवस्थापनमा जोड दिइएको थियो।