भृकुटीमण्डपलाई नागरिकमैत्री सार्वजनिक केन्द्र बनाउन मन्त्री सीता बादीको अनुगमन

महिला, बालबालिका, लैङ्गिक तथा यौनिक अल्पसङ्ख्यक र सामाजिक सुरक्षा मन्त्री सीता बादीले शुक्रबार बिहान भृकुटीमण्डप क्षेत्रको छड्के अनुगमन गरेकी छन्। समाज कल्याण परिषद्को टोलीसहित पुगेकी मन्त्री बादीले त्यहाँ सञ्चालित खसी तथा तरकारी बजार र गार्डेन हल लगायतका संरचनाको निरीक्षण गरिन्। उनले भृकुटीमण्डपलाई व्यवस्थित, सुरक्षित, हरित र समावेशी नागरिकमैत्री सार्वजनिक केन्द्रका रूपमा विकास गर्न आवश्यक अध्ययन अघि बढाउन निर्देशन दिएकी छन्।