शिक्षामा २० प्रतिशत बजेट विनियोजन गर्न शिक्षामन्त्री सस्मित पोखरेलको जोड

शिक्षा तथा खेलकुदमन्त्री सस्मित पोखरेलले शिक्षामा कुल बजेटको २० प्रतिशत लगानी गर्ने अन्तर्राष्ट्रिय अभ्यास नेपालमा अझै कार्यान्वयन हुन नसकेको बताएका छन्। विद्यालय शिक्षा विधेयकमाथि आयोजित परामर्श कार्यक्रममा बोल्दै उनले हाल नेपालको शिक्षा बजेट ११ प्रतिशतभन्दा कम रहेको जानकारी दिए। शिक्षा बजेटको ७० प्रतिशत हिस्सा स्थानीय तहमा सशर्त अनुदानका रूपमा जाने भएकाले विद्यालय सुधारमा स्थानीय सरकारको भूमिका निर्णायक हुने उनले उल्लेख गरे।