इमरान खानको उपचारका लागि २१ पूर्वकप्तानद्वारा पाकिस्तानी प्रधानमन्त्रीलाई पत्र

विश्वभरका २१ जना पूर्व अन्तर्राष्ट्रिय क्रिकेट कप्तानहरूले पाकिस्तानका प्रधानमन्त्री शहबाज शरीफलाई पत्र लेख्दै पूर्वप्रधानमन्त्री इमरान खानको स्वास्थ्य उपचारको माग गरेका छन्। पूर्वकप्तानहरूले क्रिकेटर समेत रहेका खानलाई आवश्यक चिकित्सा सुविधा र उचित स्वास्थ्य सेवा उपलब्ध गराउन आग्रह गरेका हुन्। पत्रमा पाकिस्तानको सर्वोच्च अदालतले खानलाई अस्पताल स्थानान्तरण गर्ने सम्बन्धमा दिएको आदेशलाई समेत उल्लेख गरिएको छ। यो पूर्वकप्तानहरूद्वारा खानको स्वास्थ्य अवस्थाप्रति चासो व्यक्त गर्दै पठाइएको पछिल्लो पत्र हो।