रुकुम पश्चिममा माइक्रोबसको ठक्करबाट आमाछोरीको मृत्यु

रुकुम पश्चिमको सानीभेरी गाउँपालिका-८ एकान्तमा माइक्रोबसको ठक्करबाट २६ वर्षीया स्वस्तिका पौडेल र उनकी दुई वर्षीया छोरी सान्दिका ज्ञवालीको मृत्यु भएको छ। शौचालय जानका लागि ईभी गाडीबाट ओर्लिएका उनीहरूलाई विपरीत दिशाबाट आएको भे १ ज १४८२ नम्बरको माइक्रोबसले ठक्कर दिएको थियो। दुर्घटनामा गम्भीर घाइते भएका दुवै जनाको जिल्ला अस्पताल सल्लेमा उपचारका क्रममा मृत्यु भएको प्रहरीले जनाएको छ।