नेपाली आरोहीलाई स्वदेशमै बस्ने वातावरण बनाउन सांसद मिङ्मा ग्याबु शेर्पाको माग

राष्ट्रिय स्वतन्त्र पार्टीका सांसद मिङ्मा ग्याबु शेर्पाले दक्ष पर्वतारोही र हिमाली पथप्रदर्शकहरूलाई विदेश पलायन हुनबाट रोक्न राज्यले विशेष पहल गर्नुपर्ने बताएका छन्। काठमाडौंमा आयोजित सगरमाथा आरोही संघको २५औँ वार्षिकोत्सव (रजत जयन्ती) कार्यक्रममा बोल्दै उनले पर्यटन र आरोहण क्षेत्रका नीतिगत कमजोरीहरू सुधार गर्नुपर्नेमा जोड दिए। सांसद शेर्पाले नेपाली आरोहीहरूलाई स्वदेशमै आफ्नो क्षमता प्रदर्शन गर्ने अवसर र उचित सुविधा प्रदान गर्न सरोकारवाला निकायहरू एकजुट हुनुपर्ने धारणा व्यक्त गरे।