मोबाइलको अत्यधिक प्रयोग र ध्वनि प्रदूषणले श्रवण क्षमतामा ह्रास आउने चेतावनी

लामो समयसम्म मोबाइलमा कुराकानी गर्दा हुने ध्वनि प्रदूषणले मानिसको श्रवण क्षमता कमजोर बनाउँदै गएको स्वास्थ्य विज्ञहरूले बताएका छन्। भेरी अस्पताल, नेपालगञ्जका नाक, कान, घाँटी विभाग प्रमुख डा. दिनेशकुमार चौधरीका अनुसार हाल अस्पतालमा दैनिक १५० देखि २०० जना कानको समस्या भएका बिरामीहरू आउने गरेका छन्। ध्वनि प्रदूषणका कारण कानको स्वास्थ्यमा गम्भीर असर परिरहेको तर्फ चिकित्सकहरूले सचेत गराएका छन्।