थाइल्याण्डबाट ल्याइएको ८ किलो गाँजासहित दुई म्यानमारका नागरिक पक्राउ

त्रिभुवन अन्तर्राष्ट्रिय विमानस्थलबाट ८.२३८ किलो गाँजासहित दुई जना म्यानमारका नागरिक पक्राउ परेका छन्। पक्राउ पर्नेहरूमा थाइल्याण्डको सूवर्णभुमीबाट नेपाल एयरलाइन्समार्फत आएका २७ वर्षीय आय थिडा आउङ र २९ वर्षीय ने थु रेन रहेका छन्। लागुऔषध नियन्त्रण ब्यूरोको टोलीले उनीहरूको सुटकेसभित्र लुकाइएको गाँजा, दुई थान पासपोर्ट र मोबाइल बरामद गरेको छ। प्रहरीले शुक्रबार उनीहरूलाई नियन्त्रणमा लिई थप अनुसन्धान अघि बढाएको छ।