संक्रामक पशु रोग नियन्त्रण विधेयकमाथि विधायन व्यवस्थापन समितिमा सैद्धान्तिक छलफल

काठमाडौँमा आयोजित विधायन व्यवस्थापन समितिको बैठकमा संक्रामक पशु रोग (नियन्त्रण) विधेयक, २०८३ माथि सैद्धान्तिक छलफल भएको छ। बैठकमा कृषि वन तथा पर्यावरणमन्त्री गीता चौधरीले सांसद र सरोकारवालाहरूबाट प्राप्त सुझावहरूले कानुनलाई थप परिष्कृत र विशिष्ट बनाउन सहयोग पुग्ने बताउनुभयो। मन्त्री चौधरीले कानुन जति विशिष्ट हुन्छ कार्यान्वयन उति नै सहज हुने उल्लेख गर्दै विद्यमान संयन्त्रलाई प्रभावकारी रूपमा प्रयोग गर्ने प्रतिबद्धता जनाउनुभयो।