पार्टी निर्देशन उल्लंघन गरेको भन्दै राप्रपाद्वारा बागमतीका तीन सांसद पदमुक्त

राष्ट्रिय प्रजातन्त्र पार्टी (राप्रपा) ले केन्द्रको निर्देशन र ह्वीप उल्लंघन गर्दै बागमती प्रदेश सरकारमा सहभागी भएका आफ्ना तीन जना प्रदेश सांसदलाई पदमुक्त गरेको छ। पदमुक्त हुने सांसदहरूमा राजु बिष्ट, राजेन्द्र प्रजापति र गिरबहादुर तामाङ रहेका छन्। पार्टीको केन्द्रीय अनुशासन समितिको सिफारिस बमोजिम उनीहरूलाई पार्टीको निर्णय विपरीत सरकारमा सहभागी भएको भन्दै कारबाही गरिएको हो।