सर्लाही सिँचाइ कार्यालयका प्रमुखसहित दुई जनाविरुद्ध भ्रष्टाचार मुद्दा दायर

अख्तियार दुरुपयोग अनुसन्धान आयोगले भूमिगत जलस्रोत तथा सिँचाइ विकास डिभिजन कार्यालय, सर्लाहीका प्रमुख अनुपमा ढकाल र मेकानिकल अधिकृत तुलाकान्त चौधरीविरुद्ध विशेष अदालतमा भ्रष्टाचार मुद्दा दायर गरेको छ। बोरिङ र मोटर जडान कार्य सम्पन्न भएपछि भुक्तानी दिने क्रममा सेवाग्राहीसँग घुस मागेको आरोपमा उनीहरूमाथि मुद्दा चलाइएको हो। आयोगका प्रवक्ता सुरेश न्यौपानेका अनुसार बुधबार काठमाडौँस्थित विशेष अदालतमा आरोपपत्र दर्ता गरिएको हो।