बाढी प्रभावितको उद्धारका लागि आयल निगमले नुवाकोट पठायो हवाई इन्धन

नेपाल आयल निगमले बाढी प्रभावित क्षेत्रमा हेलिकप्टरमार्फत गरिने उद्धार कार्यलाई सहज बनाउन १६ हजार लिटर क्षमताको रिफ्युलर गाडी नुवाकोट पठाएको छ। रसुवा र आसपासका क्षेत्रमा बाढीबाट प्रभावित भएकाहरूको उद्धारमा सहयोग पुऱ्याउन सिनामङ्गल हवाई इन्धन डिपोबाट उक्त इन्धन पठाइएको हो। सामान्यतया विमानस्थल भित्र मात्र प्रयोग गरिने यस्तो रिफ्युलर गाडी आपतकालीन अवस्थालाई ध्यानमा राख्दै पहिलो पटक विमानस्थल बाहिर पठाइएको हो।