प्राकृतिक विपत्तिको समयमा हवाई भाडा वृद्धि नगर्न क्यानको निर्देशन

नेपाल नागरिक उड्डयन प्राधिकरण (क्यान) ले प्राकृतिक विपत्तिको विषम परिस्थितिमा हवाई भाडा वृद्धि नगर्न वायुसेवा कम्पनीहरूलाई निर्देशन दिएको छ। तिब्बततर्फबाट आएको बाढी र पहिरोका कारण सडक यातायात अवरुद्ध भएको मौका छोपी भाडा बढाउन सक्ने जोखिमलाई मध्यनजर गर्दै प्राधिकरणले यस्तो आग्रह गरेको हो। प्राधिकरणका हवाई यातायात विभागका उपप्रबन्धक सन्तोष अधिकारीले हालको भाडादर नबढ्ने गरी टिकट उपलब्ध गराउन निर्देशन दिनुभएको छ।