भोटेकोशी बाढी प्रभावितको उद्धार र उपचारमा काठमाडौँ महानगरपालिकाले सहयोग गर्ने

काठमाडौँ महानगरपालिकाकी कार्यवाहक प्रमुख सुनिता डङ्गोलले भोटेकोशी नदीमा आएको भीषण बाढीबाट उत्पन्न मानवीय सङ्कट व्यवस्थापनमा एकजुट हुन अपिल गर्नुभएको छ। रसुवा क्षेत्रमा भएको जनधनको क्षतिप्रति गहिरो दुःख व्यक्त गर्दै उहाँले महानगरपालिका प्रभावित नागरिकहरूको साथमा रहेको बताउनुभयो। विपत्तिलाई समाचारका रूपमा मात्र नहेरी उद्धार र राहत कार्यमा सक्रिय हुन उहाँले सबैमा आग्रह गर्नुभएको छ।

काठमाडौँ महानगरपालिकाकी कार्यवाहक प्रमुख सुनिता डङ्गोलले भोटेकोशी बाढीबाट प्रभावितहरूको उद्धार, उपचार र राहतका लागि महानगरले सक्रिय सहयोग गर्ने घोषणा गरेकी छन्। उनले त्रिभुवन विश्वविद्यालय शिक्षण अस्पताल र राष्ट्रिय ट्रमा सेन्टर पुगेर घाइतेहरूको अवस्थाबारे जानकारी लिँदै परिवारका सदस्य नभएका बिरामीका लागि महानगरले केयरटेकरको व्यवस्था गरेको बताइन्। डङ्गोलले विपद् व्यवस्थापनमा एकजुट हुन अपिल गर्दै बाढीका कारण भएको जनधनको क्षतिप्रति दुःख व्यक्त गरेकी छन्।