भोटेकोशी बाढीका बीच विद्युत् सेवा नियमित राखेकोमा मन्त्री श्रेष्ठद्वारा प्राधिकरणको प्रशंसा

ऊर्जा, जलस्रोत तथा सिँचाइमन्त्री विराजभक्त श्रेष्ठले भोटेकोशी नदीमा आएको बाढीका कारण ठूलो क्षति भए तापनि विद्युत् सेवा नियमित रहेको बताउनुभएको छ। कुल उत्पादन क्षमताको करिब १० प्रतिशत प्रणाली बाहिर गए पनि नेपाल विद्युत् प्राधिकरणका कर्मचारीहरूको सक्रियताले आपूर्ति व्यवस्थापन सन्तुलित रहेको उहाँको भनाइ छ। केही सहकर्मीहरू सम्पर्कविहीन रहेको कठिन अवस्थामा पनि कर्मचारीहरूले निरन्तर काम गरेर सेवा सञ्चालनमा राखेको मन्त्री श्रेष्ठले जानकारी दिनुभयो।