बाढी प्रभावित क्षेत्रका कर्मचारीलाई कार्यस्थल नछोड्न मन्त्रालयको निर्देशन

भूमि व्यवस्था, सहकारी, संघीय मामिला तथा सामान्य प्रशासन मन्त्रालयले बाढी प्रभावित जिल्ला र स्थानीय तहका कर्मचारीहरूलाई आफ्नो कार्यस्थल नछोड्न निर्देशन दिएको छ। मन्त्रालयको उच्च व्यवस्थापन समूहको बैठकले बाहिर रहेका कर्मचारीहरूलाई पनि तत्काल कार्यस्थलमा फर्किएर उद्धार तथा राहत कार्यमा खटिन निर्देशन दिएको हो। रसुवाको भोटेकोशी नदीमा आएको विनाशकारी बाढीपछि राहत र समन्वयलाई प्रभावकारी बनाउन यो निर्णय गरिएको मन्त्रालयका प्रवक्ता एकदेव अधिकारीले जानकारी दिनुभयो।