बाढी प्रभावितको राहतका लागि बिदामा पनि बैंकिङ सेवा सुचारु गर्न राष्ट्र बैंकको निर्देशन

नेपाल राष्ट्र बैंकले रसुवा लगायतका प्राकृतिक विपद् प्रभावित क्षेत्रमा राहत र उद्धार कार्यलाई सहज बनाउन बिदाको दिनमा पनि बैंकिङ सेवा सुचारु राख्न निर्देशन दिएको छ। केन्द्रीय बैंकले एक विज्ञप्ति जारी गर्दै बैंक तथा वित्तीय संस्थाहरूलाई शुक्रबारदेखि आइतबारसम्म अत्यावश्यक भुक्तानी सेवाहरू उपलब्ध गराउन भनेको हो। बाढी पीडितहरूलाई राहत वितरणमा कुनै अवरोध नहोस् भन्ने उद्देश्यले यो निर्णय लिइएको हो। यस व्यवस्थाले प्रभावित क्षेत्रका नागरिक र उद्धारकर्मीहरूलाई आर्थिक कारोबारमा सहयोग पुग्ने अपेक्षा गरिएको छ।