रसुवाको सुरुङमा फसेकाहरूको उद्धारका लागि आज साँझसम्म प्रयास गरिने ऊर्जामन्त्रीको भनाइ

ऊर्जा, जलस्रोत तथा सिँचाइ मन्त्री विराज भक्त श्रेष्ठले रसुवामा आएको बाढीका कारण जलविद्युत आयोजनाको सुरुङभित्र फसेका मजदुर, कर्मचारी र स्थानीयको उद्धारका लागि आज साँझसम्म टोली पुग्ने प्रयास भइरहेको बताउनुभएको छ। शनिबार मन्त्रालयमा पीडित परिवारसँग भेट गर्दै मन्त्री श्रेष्ठले उद्धार कार्यलाई तीव्रता दिइएको र साँझसम्म टनेलमा पुग्न सकिने सम्भावना रहेको जानकारी दिनुभयो। बाढीका कारण विभिन्न आयोजनाका सुरुङमार्गमा मानिसहरू फसेपछि सरकारले उद्धारका लागि पहल गरिरहेको छ।