भोटेकोशी बाढी प्रभावितलाई राहत सामग्री पुर्‍याउन मन्त्री गीता चौधरीद्वारा सांसदहरूसँग छलफल

कृषि, वन तथा पर्यावरण मन्त्री गीता चौधरीले भोटेकोशी बाढी प्रभावित क्षेत्रमा तत्काल राहत सामग्री उपलब्ध गराउने विषयमा शुक्रबार सङ्घीय सांसदहरूसँग छलफल गर्नुभएको छ। मन्त्रालयमा भएको छलफलमा उहाँले प्रभावित नागरिकका लागि खाद्यान्न, स्वच्छ खानेपानी, औषधि र लत्ताकपडा जस्ता अत्यावश्यक सामग्री पुर्‍याउन निकायहरूबीच प्रभावकारी समन्वय हुनुपर्नेमा जोड दिनुभयो। मन्त्री चौधरीले बाढी प्रभावित क्षेत्रमा राहत वितरणलाई तीव्रता दिन सरकार प्रतिबद्ध रहेको बताउनुभयो।