अन्तर्राष्ट्रिय बजारमा मूल्य बढे पनि नेपाल आयल निगमले इन्धनको मूल्य नबढाउने

भारतीय आयल कर्पोरेसनबाट इन्धनको मूल्य बढेर आए तापनि नेपाल आयल निगमले तत्कालका लागि स्थानीय बजारमा मूल्य नबढाउने निर्णय गरेको छ। मंगलबार बसेको निगम सञ्चालक समितिको बैठकले भोटकोशी र रसुवामा आएको बाढी तथा प्राकृतिक विपद्को परिस्थितिलाई मध्यनजर गर्दै पुरानै मूल्यलाई निरन्तरता दिने निर्णय गरेको हो। स्वचालित मूल्य प्रणाली अनुसार मूल्य बढाउनुपर्ने अवस्था भए तापनि उपभोक्ताको हितका लागि मूल्य यथावत राख्दा निगमलाई आगामी १५ दिनमा करिब १ अर्ब २४ करोड ५७ लाख रुपैयाँ घाटा हुने अनुमान गरिएको छ।