स्थानीय तहको आलोचना गरेकोमा पूर्वाधारमन्त्रीप्रति रास्वपा सचेतक धितालको आपत्ति

रसुवामा आएको बाढीपछि स्थानीय तह र प्रदेश सरकारका संयन्त्रहरू स्वतः सक्रिय नभएको भनी भौतिक पूर्वाधारमन्त्री सुनील लम्सालले गरेको टिप्पणीप्रति राष्ट्रिय स्वतन्त्र पार्टीकी प्रमुख सचेतक क्रान्तिशिखा धितालले आपत्ति जनाएकी छन्। मन्त्री लम्सालले स्थानीय तहले समन्वय नगरेको आरोप लगाएपछि धितालले विपद् प्रभावित स्थानीय तह आफैँ पीडित भएको र उनीहरूलाई दोष दिनुको सट्टा सहयोग आवश्यक पर्ने बताएकी हुन्। काठमाडौंमा बसेर प्रभावित क्षेत्रका संयन्त्रहरू सक्रिय भएनन् भन्नु अनुचित हुने धितालको तर्क छ।