काठमाडौंमा ग्यास अभाव छैन, ढुवानीमा समस्या मात्र हो: मन्त्री गौरीकुमारी यादव

उद्योग, वाणिज्य तथा आपूर्ति मन्त्री गौरीकुमारी यादवले काठमाडौं उपत्यकामा खाना पकाउने ग्यासको अभाव नभएको तर प्राकृतिक विपद् र सडकको असहज अवस्थाका कारण आपूर्तिमा समस्या आएको बताउनुभएको छ। मन्त्रालयमा आयोजित होटल व्यवसायी तथा सरोकारवालाहरूसँगको छलफलमा मन्त्री यादवले व्यवसायीहरूलाई ग्यास ढुवानीमा अग्रसर हुन आग्रह गर्दै सरकारले सुरक्षा र सहजीकरणको ग्यारेन्टी गर्ने प्रतिबद्धता जनाउनुभयो। नेपाल आयल निगमको निर्णयको आलोचना भएपछि मन्त्रीले यो प्रत्यक्ष संवाद थाल्नुभएको हो।