उद्धारमा अवरोध भए तत्काल फर्किन सांसद सागर ढकाल र श्रीराम न्यौपानेलाई रास्वपाको निर्देशन

राष्ट्रिय स्वतन्त्र पार्टी (रास्वपा) ले आफ्ना सांसदहरू सागर ढकाल र श्रीराम न्यौपानेलाई उद्धार कार्यमा अवरोध पुगेको भए तत्काल कार्यस्थलबाट फर्किन निर्देशन दिएको छ। सुरुङमा फसेकाहरूको उद्धारमा सांसदहरूको उपस्थितिले असहजता पैदा गरेको भन्दै आलोचना भएपछि रास्वपा संसदीय दलका उपनेता गणेश पराजुलीले सो निर्देशन दिनुभएको हो। सुरुङ इन्जिनियर न्यौपाने र आर्किटेक्ट इन्जिनियर ढकाललाई पार्टीले समन्वयका लागि खटाएको भए तापनि उद्धार कार्यमा बाधा पुग्न नदिन यस्तो निर्णय गरिएको हो।