विराटनगरमा छात्रालाई अभद्र व्यवहार गरेको आरोपमा दुई जना पक्राउ

विराटनगरको सार्वजनिक सडकमा विद्यालय पोशाकमा रहेका दुई छात्रालाई अभद्र व्यवहार गरेको आरोपमा प्रहरीले दुई जनालाई पक्राउ गरेको छ। विराटनगर-९ स्थित महेन्द्रचोकमा मोटरसाइकलमा सवार व्यक्तिहरूले बाटोमा हिँडिरहेका छात्राहरूलाई दुर्व्यवहार गरेका थिए। जिल्ला प्रहरी कार्यालय मोरङका अनुसार पक्राउ पर्नेमा मोरङका ३५ वर्षीय महेश कुमार मण्डल र बाराको परवानीपुरका एक पुरुष रहेका छन्। घटनाको जानकारी पाएलगत्तै प्रहरीले उनीहरूलाई नियन्त्रणमा लिएको हो।