इरानमा इन्धन ट्यांकर विस्फोट हुँदा १२ जनाको मृत्यु, ७ घाइते

पश्चिमी इरानको कुर्दिस्तान प्रान्तस्थित सनन्दाज काउन्टीमा शनिबार भएको सडक दुर्घटनापछि इन्धन ट्यांकर विस्फोट हुँदा १२ जनाको मृत्यु भएको छ। विस्फोटमा परी अन्य सात जना घाइते भएका छन् भने नजिकै रहेका धेरै सवारीसाधनहरूमा क्षति पुगेको छ। कुर्देस्तान मेडिकल साइन्स विश्वविद्यालयका आपत्कालीन चिकित्सा सेवा प्रमुख बाबक होदाईका अनुसार घाइतेहरूको उपचार भइरहेको छ। सरकारी समाचार संस्था आईआरआईबीले आइतबार मृतकको संख्या पुष्टि गरेको हो।

पश्चिमी इरानको सनन्दज–हमदान राजमार्गमा शनिबार साँझ २० हजार लिटर पेट्रोल बोकेको इन्धन ट्यांकरले मिनीबसलाई ठक्कर दिँदा भएको विस्फोटमा १२ जनाको मृत्यु भएको छ। कुर्दिस्तान प्रान्तको सनन्दज सहर नजिकै भएको यस दुर्घटनामा अन्य ७ जना घाइते भएका छन्। विस्फोटका कारण आसपासका अन्य सवारीसाधनमा समेत क्षति पुगेको स्थानीय अधिकारीहरूले जनाएका छन्।