काठमाडौँ उपत्यकामा खाना पकाउने ग्यासको चरम अभाव, उपभोक्ताहरू घण्टौँसम्म लामबद्ध

भोटेकोशीमा आएको बाढी र त्यसपछिको सडक अवरोधका कारण आपूर्ति व्यवस्था सहज हुन नसक्दा काठमाडौँ उपत्यकामा खाना पकाउने एलपी ग्यासको चरम अभाव देखिएको छ। नेपाल आयल निगम र नेपाल एलपी ग्यास उद्योग संघका अनुसार उपत्यकामा दैनिक ४० हजार सिलिन्डरको माग भए तापनि आपूर्ति २५ हजार मात्र रहेको छ। ग्यासको अभावका कारण सिफल लगायतका विभिन्न स्थानमा उपभोक्ताहरू, विद्यार्थी र श्रमिकहरू घण्टौँसम्म लामबद्ध हुन बाध्य भएका छन्।