लुम्बिनीका निजी अस्पताल सञ्चालकद्वारा नवीकरण अवधि पाँच वर्ष बनाउन माग

लुम्बिनी प्रदेशका निजी अस्पताल सञ्चालकहरूले अस्पताल नवीकरणको विद्यमान अवधि तीन वर्षबाट बढाएर पाँच वर्ष पुर्‍याउन सरकारसँग माग गरेका छन्। रुपन्देहीको बुटवलमा लुम्बिनी प्रदेशका स्वास्थ्यमन्त्री दीपेन्द्र पुनसँग भेट गर्दै उनीहरूले नवीकरण प्रक्रियालाई व्यावहारिक बनाउन आग्रह गरे। अन्य प्रदेशहरूमा नवीकरणको अवधि बढाइएको उल्लेख गर्दै उनीहरूले लुम्बिनीमा पनि सोही अनुसारको व्यवस्था गर्न ध्यानाकर्षण गराएका छन्।