हुम्लाको ताँजाकोट गाउँपालिका कार्यालयमा आगजनी गरेको आरोपमा दुई जना पक्राउ

हुम्लाको ताँजाकोट गाउँपालिका–३ चाखुरेस्थित गाउँपालिका कार्यालयमा आगलागी गरेको आरोपमा प्रहरीले एक पूर्व कर्मचारीसहित दुई जनालाई पक्राउ गरेको छ। भदौ ७ गते राति करिब १ बजे भएको उक्त आगलागीको घटनाबारे अनुसन्धान गर्न जिल्ला प्रहरी कार्यालय हुम्लाका सूचना अधिकारी युवराज ढकालको संयोजकत्वमा छानबिन समिति गठन गरिएको थियो। सोही समितिको अनुसन्धानका आधारमा उनीहरूलाई नियन्त्रणमा लिइएको हो।

हुम्लाको ताँजाकोट गाउँपालिका कार्यालयमा आगजनी गरेको आरोपमा प्रहरीले दुई जनालाई पक्राउ गरेको छ। पक्राउ पर्नेहरूमा ताँजाकोट-४ का ४७ वर्षीय कृष्णचन्द्र जैसी र सोही गाउँपालिकाको स्वास्थ्य शाखामा कार्यरत ४५ वर्षीय धनराज ढकाल रहेका छन्। गत भदौ ७ गते राति वडा नम्बर ३ स्थित गाउँपालिकाको कार्यालयमा आगलागी भएको थियो। जिल्ला प्रहरी कार्यालय हुम्लाले घटनाको अनुसन्धानका लागि उनीहरूलाई नियन्त्रणमा लिएको हो।