अत्यधिक तातो पेय पदार्थ पिउँदा अन्ननलीको क्यान्सर हुने जोखिम बढ्ने

बेलायतको अक्सफोर्ड विश्वविद्यालयका अनुसन्धानकर्ताहरूले गरेको एक अध्ययनले अत्यधिक तातो चिया वा कफी पिउँदा अन्ननलीको क्यान्सर हुने जोखिम बढ्ने देखाएको छ। करिब १० लाख मध्यम उमेरका मानिसहरूमा गरिएको यो अध्ययनले तातो पेय पदार्थले भोजननलीमा क्षति पुऱ्याउन सक्ने निष्कर्ष निकालेको हो। यो अनुसन्धानको नतिजा इन्टरनेसनल जर्नल अफ क्यान्सरमा प्रकाशित भएको छ।