जीडब्ल्यूएम नेपालद्वारा कोरला नाका प्रयोग गरी ओरा ५ र जोलियन म्याक्सको ढुवानी सुरु

नेपालका लागि जीडब्ल्यूएमको आधिकारिक वितरक भीजी इम्पेक्स प्रालिले ओरा ५ ईभी र हावाल जोलियन म्याक्स ईभीको डेलिभरी प्रक्रिया सुरु गरेको छ। भोटेकोशीमा आएको बाढीका कारण रसुवागढी नाकाको सडक मार्ग अवरुद्ध भएपछि कम्पनीले वैकल्पिक मार्गको रूपमा कोरला नाका प्रयोग गरी गाडीहरू ढुवानी गरेको हो। सडक अवरोधका बीच पनि बुकिङ गरेका ग्राहकहरूलाई समयमै गाडी उपलब्ध गराउन कम्पनीले यो कदम चालेको जनाएको छ।