लुम्बिनी प्रदेशद्वारा अधुरा आयोजनाको अध्ययन गर्न समिति गठन

लुम्बिनी प्रदेश सरकारले प्रदेशभित्र रहेका अधुरा तथा अपुरा आयोजनाहरूको अध्ययन गरी विवरण सङ्कलन गर्न एक समिति गठन गरेको छ। मुख्यमन्त्री चेतनारायण आचार्यको अध्यक्षतामा बसेको मन्त्रिपरिषद् बैठकले प्रदेश योजना आयोगका उपाध्यक्ष डा. डिल्लीराज अर्यालको संयोजकत्वमा सो समिति गठन गर्ने निर्णय गरेको हो। यस समितिले रोकिएका आयोजनाहरूको पहिचान गरी तिनलाई पूर्णता दिन र प्रदेशको पूर्वाधार व्यवस्थापनमा सुधार ल्याउन सहयोग गर्नेछ।