काठमाडौँमा असोज १ गतेदेखि नवौँ नेपाल घरजग्गा तथा निर्माण प्रदर्शनी हुने

‘सुरक्षित आवास, प्रत्येक नागरिकको अधिकार’ भन्ने मूल नाराका साथ ‘सिजी प्रोपर्टिज नवौँ नेपाल घरजग्गा तथा निर्माण प्रदर्शनी–२०८३’ आगामी असोज १ देखि ४ गतेसम्म काठमाडौँको भृकुटीमण्डपमा आयोजना हुने भएको छ। नेपाल जग्गा तथा आवास विकास सङ्घद्वारा आयोजित यस प्रदर्शनीले नेपालमा सुरक्षित, व्यवस्थित तथा वैज्ञानिक बस्ती विकाससँगै दिगो शहरीकरणलाई प्रवद्र्धन गर्ने लक्ष्य राखेको छ। यो प्रदर्शनी घरजग्गा र निर्माण क्षेत्रको विकासका लागि एक महत्वपूर्ण मञ्च हुने अपेक्षा गरिएको छ।