प्रमुख प्रशासकीय अधिकृत र लेखापाल नहुँदा मौलापुर नगरपालिकाको सेवा प्रवाह ठप्प

रौतहटको मौलापुर नगरपालिकामा लामो समयदेखि प्रमुख प्रशासकीय अधिकृत र लेखापाल नहुँदा प्रशासनिक तथा विकास निर्माणका कार्यहरू ठप्प भएका छन्। उपसचिव नीलमकुमार न्यौपाने र लेखापाल जय प्रकाश महतोको सरुवा भए पनि उनीहरू कार्यालयमा उपस्थित नहुँदा नगरपालिकाको खाता सञ्चालन हुन सकेको छैन। यसका कारण शिक्षक र कर्मचारीले दुई महिनादेखि तलब पाउन सकेका छैनन् भने विद्युत्, इन्टरनेट र सरसफाइ जस्ता अत्यावश्यक सेवाको भुक्तानी समेत रोकिएको छ।