काठमाडौं महानगरका तत्कालीन इन्जिनियरविरुद्ध साढे ४ करोडको सम्पत्ति शुद्धीकरण मुद्दा दायर

अख्तियार दुरुपयोग अनुसन्धान आयोगले काठमाडौं महानगरपालिकाका तत्कालीन इन्जिनियर रामबाबु महतो कोइरीसहित चार जनाविरुद्ध शुक्रबार विशेष अदालतमा सम्पत्ति शुद्धीकरण मुद्दा दायर गरेको छ। इन्जिनियर महतोले भ्रष्टाचार गरी कमाएको ४ करोड ४८ लाख ७९ हजार ८४१ रुपैयाँ बराबरको गैरकानूनी सम्पत्ति परिवार र आफन्तका नाममा राखी शुद्धीकरण गरेको अख्तियारको ठहर छ। मुद्दा दायर गरिएका अन्य प्रतिवादीहरूमा उनकी श्रीमती मालाकुमारी महतो, साली रीना कुशवाहा र साढुभाइ कृष्ण प्रसाद मेहता रहेका छन्। आयोगले उनीहरूविरुद्ध बिगो बमोजिमको जरिवाना, कैद सजाय र सम्पत्ति जफतको मागदाबी गरेको छ।