सुदूरपश्चिममा बजेट शून्यता अन्त्य गर्न बजेट निर्माण प्रक्रिया अघि बढाउने सर्वदलीय सहमति

धनगढीस्थित मुख्यमन्त्री तथा मन्त्रिपरिषद्को कार्यालयमा बसेको सर्वदलीय बैठकले सुदूरपश्चिम प्रदेशमा बजेट निर्माण प्रक्रिया तत्काल अघि बढाउने निर्णय गरेको छ। लामो समयदेखिको बजेट शून्यताका कारण प्रदेश सरकारको नियमित कामकाज र विकास निर्माणमा असर परेको निष्कर्ष निकाल्दै दलहरू प्रक्रिया अघि बढाउन सहमत भएका हुन्। मुख्यमन्त्री खगराज भट्टको समन्वयमा भएको उक्त बैठकमा प्रदेशसभामा प्रतिनिधित्व गर्ने विभिन्न राजनीतिक दलका प्रतिनिधिहरूको सहभागिता रहेको थियो।