मधेश प्रदेशमा अस्थायी स्वास्थ्यकर्मीलाई अन्यत्र कामकाजमा नखटाउन सरकारको निर्देशन

अस्थायी दरबन्दीका स्वास्थ्यकर्मीलाई अन्यत्र नखटाउन मधेश सरकारको निर्देशन

जनकपुर– मधेश प्रदेश सरकारले अस्थायी दरबन्दीमा कार्यरत स्वास्थ्यकर्मी तथा कर्मचारीलाई तत्काल अन्यत्र जिम्मेवारी नदिन स्वास्थ्य निकायलाई निर्देशन दिएको छ। प्रदेश मन्त्रिपरिषद्को निर्णय कार्यान्वयन गर्दै स्वास्थ्य मन्त्रालयले आर्थिक वर्ष २०८३/०८४ को अस्थायी दरबन्दी स्वीकृत नभएसम्म यस्तो व्यवस्था गर्न पत्राचार गरेको हो। गत आर्थिक वर्षको अस्थायी दरबन्दीमा रहेका चिकित्सक, स्वास्थ्यकर्मी तथा कर्मचारीलाई अन्य कार्यालयमा हाजिर गराउने वा कामकाजमा खटाउने कार्यसमेत रोक्न भनिएको छ। मन्त्रालयले निर्णयअनुसार प्रक्रिया अघि बढाउन सम्बन्धित स्वास्थ्य निकायलाई निर्देशन दिएको जनाएको छ।