जेनजी आन्दोलनका घाइते आयुष गौतमलाई काठमाडौँ विश्वविद्यालयद्वारा पूर्ण छात्रवृत्ति प्रदान

जेनजी आन्दोलनका क्रममा घाइते भएका काभ्रेपलाञ्चोकको चौरीदेउराली गाउँपालिका–६ का आयुष गौतमलाई काठमाडौँ विश्वविद्यालयले पूर्ण छात्रवृत्ति प्रदान गर्ने भएको छ। विश्वविद्यालयका प्राज्ञिक–औद्योगिक विभागका संयोजक लक्ष्मण लामाका अनुसार गौतमलाई कम्प्युटर साइन्स विषयमा स्नातक तह अध्ययनका लागि यो छात्रवृत्ति दिइएको हो। यो निर्णय सरकारले जारी गरेको ‘जेन–जी घाइते राहत सहायता सम्बन्धी कार्यविधि, २०८२’ कार्यान्वयनको सिलसिलामा गरिएको हो।